Osman Bukari zvijezda Zvezdine pobjede nad Pjunikom VIDEO

Fudbaleri Crvene zvezde pobijedili su jermenski Pjunik 5:0 u prvoj utakmici trećeg kola kvalifikacija za Ligu šampiona.

Heroj pobjede i tako reći zvijezda ove utakmice bio je Osman Bukari, koji je tresao mrežu čak tri puta, odnosno četiri, ali jednom iz ofsajda.

Bukari je Zvezdu u vođstvo doveo golom u 29. minuti, da bi na 2:0 povisio Kangva samo četiri minuti kasnije.

Pjunik nije imao “lijeka” za lijevu stranu i raspoloženog Bukarija, koji je u 44. minuti zabio za 3:0.

Na 4:0 Bukari je pogodio u 70. minuti i upisao svoj prvi het trik za Crvenu zvezdu. Za konačnih 5:0 pogodio je Mitrović u 78. minuti.

Revanš u Jermeniji igraće se u utorak od 19 časova.