Estuarski krokodil dužine četiri i po metra uhvaćen je u turističkom odmaralištu u australijskoj Sjevernoj teritoriji.
Krokodila težine 350 kilograma rendžeri su zamkom uhvatili u rezervatu Flora river, popularnoj turističkoj destinaciji jugozapadno od grada Ketrin.
To je najveći krokodil uhvaćen na tom području u proteklih par godina, rekao je portparol kancelarije za turizam, sport i kulturu Sjeverne teritorije.
Kapitalac je prebačen na farmu krokodila gdje će vjerovatno biti upotrebljen za parenje.
U julu 2018. godine još veći estuarski krokodil dužine 4,7 metara uhvaćen je u zamku u nizvodnom toku rijeke Ketrin blizu mora.
(RTS)