Argentinski napadač Lionel Mesi je sinoć u utakmici između PSŽ-a i Real Madrida (1:0) promašio penal u 63. minuti, odigrao je vrlo prosječnu utakmicu, a posebno je upadljivo kako na kraju nije ni proslavio pogodak za pobjedu.
Na društvenim mrežama odmah je počeo kružiti snimak na kojem se vidi da je Messi hladnokrvno reagovao kada je cijeli stadion eksplodira nakon čarolije Kiliana Mbapea.
Mesi je bio na drugoj strani šesnaesterca, šetao, kao i u najvećem dijelu utakmice i dosta podsjetio na Kristiana Ronalda koji je često “uhvaćen” kako se ne raduje golovima svojim saigračima.
Već odavno djeluje kako Mesi nije naročito srećan u Parizu pa će ovo vjerovatno podići nova pitanja o atmosferi u PSŽ-u.
Ni u francuskom klubu ne mogu biti srećni njegovim partijama koje su za sada vrlo prosječne.
Podsjetimo, Mbape je spasio Mesija titule tragičara (promašio penal) u 94. minuti meča s Realom kada je predriblao dva igrača pa potom zatresao mrežu za pobjedu od 1:0.
