Vozač Ferarija Šarl Lekler je pobijedio u današnjim kvalifikacijama za Veliku nagradu Singapura.
Lekler je prvo mjesto na startu sutrašnje trke osigurao ostvarivši vrijeme 1:49.42, što je za 22 stotinke bilo brže od Serhija Pereza, vozača Red Bula.
Iz drugog startnog reda će krenuti Luis Hamilton (Mercedes) i Karlos Sainc (Ferari).
Lider šampionata Maks Ferštapen završio je kvalifikacije tek na osmom mjestu. Vozač Red Bula do titule može ukoliko osvoji prvo mjesto, a Lekler ne zauzme najmanje osmo.
Trka za Veliku nagradu Singapura održava se sutra u 14 sati.
