Nikola Jokić je umalo stigao do tripl-dabla u pobjedi Denver nagetsa 119:100 na gostovanju Detroit pistonsima, upisavši 30 poena, 10 skokova i devet asistencija
Nagetsi su prekinuli niz od četiri poraza u meču protiv jedne od najslabijih ekipa lige. Trijumfom nad Detroitom su obezbjedili sigurno plej-of mjesto i titulu prvaka divizije Central Zapadne konferencije. Takođe, trener Majk Meloun je došao do 400. pobjede u karijeri.
Bilo je “klimavo” na startu, ali je nadmoćno okončano. Detroit je imao prednost od šest poena na poluvremenu, anuliranu poslije treće dionice. Gosti iz Kolorada su posljednjom dionicom 33:14 došli do slavlja poslije četiri meča sa neslavnim izdanjima.
Najbolji igrač NBA Nikola Jokić je bio prvi strijelac ekipe sa 30 poena (14/18 iz igre), uz 10 skokova i devet asistencija. Kentejvijus Koldvel-Pop je dao 20 poena, a Džamal Mari 19 uz 10 asistencija i šest skokova.
Rodni Megruder je za Pistonse ubacio 20 poena, Džejlen Duren je upisao dabl-dabl od 15 poena i 13 skokova.
Denveru slijede dva teška gostovanja njujorškim ekipama, Niksima i Bruklin Netsima.